Milan'da yeni qapıçı

İtaliyanın “Milan” klubu “Atalanta”nın qapıçısı Marko Sportyello ilə anlaşıb.

Corner.az-ın “Calciomercato”ya istinadən məlumatına görə, 30 yaşlı qolkiper ölkə çempionu ilə şəxsi müqavilənin şərtlərini razılaşdırıb.

“Atalanta” ilə müqaviləsi 2023-cü ilin iyununa qədər olan italyan qapıçı gələn ay “rossonerilər”lə münasibətləri rəsmiləşdirəcək. O, mövsümün sonunda yeni komandasına azad agent kimi qoşulacaq. Sportyellonun “Milan”da Mik Menyanın əvəzləyicisi olması gözlənilir.

Qeyd edək ki, Marko Sportyello 2013-cü ildən bəri “Atalanta”nın heyətində bütün turnirlərdə 128 oyuna çıxıb, 170 qol buraxıb.