Niderlandlı futbolçu Anton Fase Azərbaycandan təklif alıb. Corner.az-ın əldə etdiyi məlumata görə, 22 yaşlı forvard Premyer Liqamızda oynamaqdan imtina edib.
Surinam əsilli oyunçunu Premyer Liqa təmsilçilərindən “Sumqayıt” transfer etmək niyyətində olub. Lakin "kimyaçılar"ın təklifi Fasenin ürəyincə olmayıb. Bu üzdən də o, hazırda formasını geyindiyi Litvanın “Kauno” (Jalgiris) klubunda qalmağa qərar verib.
Xatırladaq ki, Fase “Kauno”ya bu ilin yayında keçib. “Alkmaar”ın yetirməsi olan hücumçu “Neymegen” və “Botev” (Vratsa) klublarında da forma geyinib.
