- Transfer
- 22:27 24.10.2024
"Arsenal” hücumçusu Qabriel Martinelli ilə yeni müqavilə bağlamaq üçün danışıqlar aparır.
Corner.Az “Daily Mail”-ə istinadən xəbər verir ki, 21 yaşlı futbolçu ilə yeni sözləşməyə əsasən, klubun ən çox maaş alan futbolçusu ünvanına sahib ola bilər. “Topçular” braziliyalı futbolçunun maaşını həftəlik 200 min funt-sterlinqə qaldırmağa razıdır.
“Barselona”nın da maraqlandığı “sambaçı”nın London klubunda qalmağa üstünlük verdiyi vurğulanıb.
Martinelli 2019-cu ilin iyulundan “Arsenal”da çıxış edir. O, cari mövsümdə komandanın heyətində 20 matça çıxıb, 5 qol vurub və 2 məhsuldar ötürmə edib. Onun klubla hazırkı müqaviləsi 2024-cü ilin iyun ayının sonuna kimidir.
