"Çelsi"nin sabiq baş məşqçisi Avram Qrant uzun fasilədən sonra yeni iş yeri bəlli olub. Corner.az xəbər verir ki, 67 yaşlı mütəxəssis Zambiya millisinin baş məşqçisi təyin olunub.
Bu barədə Zambiya Futbol Federasiyasının mətbuat xidməti məlumat yayıb. İsrailli çalışdırıcı ilə 2 illik müqavilə imzalanıb.
Xatırladaq ki, "Çelsi”dən ayrıldıqdan sonra “Portsmut”, “Vest Hem”, “Partizan” kimi klublarda çalışmış Qrant, daha əvvəl də Afrikada işləyib. O, 2014-17-ci illər aralığında Qana millisinin baş məşqçisi olub. Qrant 2018-ci ildən işsiz idi.
