Lukaku İnter'lə razılaşdı
-
Transfer
-
13:57 02.06.2019
-
Oxunma sayı: 542
İtaliyanın "İnter" klubu hücum xəttini gücləndirməyə hazırlaşır.Corner.az "The Mirror" nəşrinə istinadən xəbər verir ki, baş məşqçi vəzifəsinə Antonio Conteni gətirən Milan təmsilçisi yeni məşqçinin də istəyilə "Manchester United"in hücumçusu Romelu Lukakunu heyətinə qatmaq istəyir. Belçikalı futbolçunun özü ilə anlaşan italyan klubu üçün yeganə maneə "qırmızı şeytanlar"ın tələb etdiyi təzminat məbləğidir.Premyer liqa klubu 26 yaşlı hücumçuya görə 75 milyon funt-sterlinq istəyir. "İnter" rəhbərliyi isə həmin məbləği bir az daha aşağı azaltmağa çalışır.Qeyd edək ki, Lukaku "Manchester United"in heyətinə meydana çıxdığı 96 matçda 42 qol vurub, 13 məhsuldar ötürmə verib.
