Mourinyo Portuqaliya millisinin təklifini rədd etdi

İtaliyanın "Roma" klubunun baş məşqçisi Joze Mourinyo Portuqaliya millisini çalışdırmaqdan imtina edib.

Corner.Az "Jurnal de Noticias" nəşrinə istinadən xəbər verir ki, 59 yaşlı mütəxəssis fəaliyyətini klub səviyyəsində davam etdirmək istədiyi üçün bu addımı atıb.

Portuqaliyalı çalışdırıcının "canavarlar"la müqaviləsi 2024-cü ilin yayında başa çatır. O, sözləşmənin sonunadək paytaxt təmsilçisində qalmaq niyyətindədir.

Beləliklə, 2011-ci ildən U-21 yığmasını çalışdıran Rui Xorxenin müvəqqəti olaraq əsas komandaya rəhbərlik etmək ehtimalının yüksək olduğu gözlənilir.