"Barselona"nın sabiq hücumçusu Boyan Krkiç Yaponiyanın "Vissel Kobe" klubundan ayrılıb. Corner.az xəbər verir ki, 32 yaşlı futbolçunun klubla müqaviləsinin müddəti bitib.
Bu barədə sözügedən klubun rəsmi saytı məlumat yayıb. Yaponlar ispan oyunçu ilə müqaviləni yenilənmək istəməyiblər. Bu üzdən də hazırda o, azad agent status daşıyır.
Krkic son iki ildə "Vissel Kobe"də Andres İnyesta ilə komanda yoldaşı olub.
Krkiç "Barselona", "Roma", "Milan", "Ayaks", "Stok Siti" və digər klublarda da çıxış edib. O, "Barselona"nın əsas komandasında 104 oyun keçirib və 26 qol vurub.
