"Espanyol” heyətini yeni futbolçu ilə gücləndirib. Corneraz xəbər verir ki, La Liqa təmsilçisi Meksika yığmasının müdafiəçisi Sesar Montesi heyətinə cəlb edib.
Bu barədə klubun rəsmi saytı məlumat yayıb. Meksikanın “Monterrey” klubundan transfer edilmiş 25 yaşlı futbolçu ilə 5.5 illik müqavilə imzalanıb.
Montes karyerası ərzində yalnız “Monterrey”də top qovub. Mərkəz müdafiəçisi bu komandada 265 oyuna 13 qol vurub. Meksika yığmasında da 44 oyun keçirən futbolçu 1 qolla yadda qalıb.
