Kriştiano Ronaldonun yeni klubu rəsmən açıqlandı

Corner.az xəbər verir ki, bu barədə "Əl Nəsr" rəsmi saytı vasitəsilə məlumat yayıb.

37 yaşlı hücumçunun sözləşməsi 2025-ci ilədək nəzərdə tutulub. Portuqaliyalı ulduz futbolçunun sponsorluq gəlirləri ilə birlikdə illik qazancının 200 milyon avro olması gözlənilir.

“Bu, sadəcə bir hekayədən daha çox şeydir. Bu, təkcə klubumuzu yeni zirvələrə ruhlandırmayacaq, həm də liqamızı və gələcək nəsilləri özümüzün ən yaxşı versiyamız olmağa ruhlandıracaq bir transferdir”, - klubun açıqlamasında qeyd olunub.

Qeyd edək ki, Kriştiano Ronaldo Qətərdə keçirilən dünya çempionatından əvvəl "Mançester Yunayted"lə müqaviləsinə xitam verildiyi üçün Səudiyyə Ərəbistanı təmsilçisinə azad agent kimi keçib.