Belçikanın “Brügge” klubunun yeni baş məşqçisi müəyyənləşib. Corner.az xəbər verir ki, sözügedən komandanın "sükan"ı Skott Parkerə tapşırılıb .
Bu barədə klubun rəsmi saytı məlumat yayıb. 42 yaşlı mütəxəssis bir neçə gün öncə istefaya göndərilmiş Karl Höfkensi əvəz edib.
Xatırladaq ki, Parkerin son klubu "Bornmut" olub. O, daha öncə “Fulhem”ə də rəhbərlik edib.
Əlavə olaraq bildirək ki, "Brügge" ÇL-in 1/8 finalında "Benfika" ilə qarşılaşacaq. Sözügedən komanda Belçika çempionatında 18 turdan sonra 34 xalla 4-cü pillədə qərarlaşıb.
