"Neftçi”nin ötən ay yollarını ayırdığı Mamadu Mbodj karyerasını Litvada davam etdirə bilər. Corner.az xəbər verir ki, 29 yaşlı futbolçu sabiq klubu “Jalgiris”lə (Vilnüs) danışıqlar aparır.
Seneqallı futbolçu azad agent kimi sözügedən klubla müqavilə imzalamağa yaxındır.
Xatırladaq ki, Mbodj 2016-2018-ci illər aralığında məhz Litva klubunun uğurları üçün çalışıb. O, “Neftçi”yə də məhz bu klubdan gəlmişdi.
Mbodj “Neftçi”də keçirdiyi 94 oyunda 9 qol vurub, 2 məhsuldar ötürmə müəllifi olub.
