"Nitsa”nın hücumçusu Kasper Dolberq icarə əsasında çıxış etdiyi “Sevilya”dan ayrılıb. Corner.az xəbər verir ki, 25 yaşlı futbolçu bundan sonra “Hoffenhaym”ın uğurları üçün çalışacaq.
Liqa 1 klubu onu Bundesliqa təmsilçisinə də icarəyə göndərib. Bu barədə sözügedən klublar rəsmi saytları vasitəsilə məlumat yayıblar. Danimarkalı futbolçu mövsümün sonuna kimi satınalma şərti ilə Almaniya klubunda çıxış edəcək.
Dolberq 2019-cu ilin avqustundan “Nitsa”nın formasını geyinir. O, Fransa təmsilçisində keçirdiyi 3 mövsüm ərzində 85 oyunda 24 qola imza atıb. İspaniyada ümidləri doğrultmayan futbolçu bu mövsüm “Sevilya”da cəmi 8 oyuna çıxıb və qol vurub. Hücumçu Danimarka yığmasında da 40 matça çıxıb və 11 qol vurub.
