"Qarabağ”ın yarımmüdafiəçisi Kadi Borqesin “Krasnodar”a transferi açıqlanıb. Corner.az Ağdam klubunun rəsmi saytına istinadən məlumatına görə, braziliyalı futbolçunun Rusiya təmsilçisinə keçidi həllini tapıb.
Bildirilib ki, 27 yaşlı oyunçu tibbi müayinədən keçdikdən sonra “Krasnodar”la rəsmi müqavilə imzalayacaq. Transfer rəsmiləşdikdən sonra keçidin detalları barədə ətraflı məlumat veriləcək.
Qeyd edək ki, Kadi Borqes “Qarabağ”a 2021-ci ildə Portuqalyanın “Vilafrankense” klubundan keçib.
