"Monako”nun müdafiəçisi Benua Badyaşilin İngiltərənin “Çelsi” klubuna transferi rəsmiləşib. Corner.az xəbər verir ki, bu barədə "zadəganların" rəsmi saytı məlumat yayıb.
21 yaşlı futbolçu London təmsilçisi ilə 7.5 illik müqavilə imzalayıb. İngiltərə klubu fransalı futbolçu üçün knyazlıq təmsilçisinə 35 milyon funt-sterlinq ödəyib.
“Monako”nun öz yetirməsi olan mərkəz müdafiəçisi bu klubun əsas komandasında 135 oyuna çıxıb, 6 qol vurub.
