İspaniyanın “Vilyarreal” klubu qapıçısı Xeronimo Rulyinu ilə yollarını ayırıb. Corner.az xəbər verir ki, 30 yaşlı qolkiper bundan sonra Niderlandın “Ayaks” klubunun uğurları üçün çalışacaq.
Argentinalı oyunçu ilə müddəti 2026-cı ilin 30 iyununa qədər olan müqavilə imzalanıb. “Ayaks” bu transferə görə “Vilyarreal”a 8 milyon avro ödəyib. Bonuslarla bu məbləğin 10 milyona çatması mümkündür.
Rulyi 2020-ci iln sentyabr ayındann “Vilyarreal”da forma geyinirdi. O, La Liqa təmsilçisində 80 matça çıxıb.
