İngiltərə millisinin sabiq yarımmüdafiəçisi və ABŞ-ın “İnter Mayami” klubunun prezidenti Devid Bekhemin oğlu Romeo “Brentford”a keçib. Corner.az xəbər verir ki, bu barədə İngiltərə klubunun rəsmi saytı məlumat yayıb.
Romeo Bekhem müqavilə ilə ABŞ-ın “İnter Mayami” klubuna məxsusdur. O, 2021-ci ildən sözügedən klubun əvəzedici komandasında çıxış edirdi. Romeo bu mövsümün sonunadək “Brentford”un əvəzedici komandasında icarədə oynayacaq.
Romeo daha öncə İngiltərədə “Arsenal”ın akademiyasında forma geyinib.
