Azərbaycan millisinin baş məşqçisi Canni de Byazi hələ də Polşa yığmasına namizədlər sırasında yer alır. Corner.az saytı yerli mətbuata istinadən xəbər verir ki, Polşa Futbol Assosiasiyası yeni çalışdırıcı axtarışlarını sürətləndirib.
Çeslav Mixneviçin istefasından sonra yerli assosiasiya boş qalan posta 10-dan çox namizəd arasında seçim aparır. De Byazinin Polşa millisini çalışdırmaq variantı qalsa da, bu, elə də yüksək qiymətləndirilmir. 67 yaşlı mütəxəssis Vladimir Petkoviç, Paulo Bento kimi məşqçilərə alternativlərdən biri sayılır. Polşalılar yanvarın sonuna qədər yeni çalışdırıcını təqdim etməyi planlaşdırır.
Qeyd edək ki, Canni de Byazi 2020-ci ildən Azərbaycan yığmasına rəhbərlik edir.
