PSJ və “Tottenhem”in keçmiş baş məşqçisi Maurisio Poçettino “Çelsi”yə rəhbərlik etməyə hazırdır. Corner.az “The Sun”a istinadən xəbər verir ki, rəhbərlik Qrem Potterlə vidalaşacğı təqdirdə, 50 yaşlı mütəxəssis London komandasının yeni baş məşqçisi olacaq.
Potter 2022-ci ilin sentyabrında “Çelsi”nin "sükan"ı arxasına keçib. İngiltərə Kubokunun 1/32 mərhələsinin “Mançester Siti” ilə oyununda məğlub olan komanda (0:4) turniri tərk edib. “Zadəganlar” Premyer Liqada 17 turdan sonra 25 xalla turnir cədvəlinin 10-cu pilləsində qərarlaşıb.
Poçettinonun son olaraq PSJ-ni çalışdırıb. O, 2022-ci ilin iyulunda komandanın baş məşqçisi vəzifəsindən azad edilib.
