“Qarabağ” “Sent-Etyen”in hücumçusu İbrahima Vadjinin transferində israrlıdır. Corner.az xəbər verir ki, bu barədə Fransa mətbuatı məlumat yayıb.
Məlumatda, Azərbaycan çempionunun Fransa klubunda əsas heyətdəki yerini itirən seneqallı forvardın transferindən əl çəkmədiyi vurğulanıb. Hücum xəttini yeni oyunçularla gücləndirən “Sent-Etyen” rəhbərliyi də 27 yaşlı futbolçunun Azərbaycana qayıtmasında maraqlıdı. Çünki klub Vadji ilə bağlı Ağdam təmsilçisindən başqa heç bir klubdan rəsmi təklif almayıb.
Qeyd edək ki, İbrahima Vadjinin ötən ilin yayında keçdiyi “Sent-Etyen”lə müqaviləsi 2025-ci ilin yayına qədərdi.
