“Qarabağ”ın Konfrans Liqasının pley-off mərhələsindəki rəqibi “Gent” heyətini gücləndirməkdə davam edir. Corner.az-ın Belçika klubunun rəsmi saytına istinadən məlumatına görə, “Zalsburq”un müdafiəçisi Kamil Pyatkovski heyətə cəlb olunub.
Polşa millisinin 23 yaşlı oyunçusu mövsümün sonuna qədər icarəyə götürülüb. Pyatkovski gələn ay “Qarabağ”la keçiriləcək matçlarda məşqçilər korpusunun ixtiyarında olacaq. Onun Avstriya klubu ilə müqaviləsi 2026-cı ilin yayına qədərdi.
Qeyd edək ki, “Qarabağ”la “Gent” arasında ilk oyun fevralın 16-da Bakıda, cavab görüşü isə 23-də Gentdə olacaq.
