İngiltərənin “Aston Villa” klubu heyətini yeni futbolçu ilə gücləndirib. Corner.az xəbər verir ki, Premyer Liqa təmsilçisi ABŞ-ın “Çikaqo Fayr” klubunun hücumçusu Con Duranı transfer edib.
Bu barədə klubun rəsmi saytı məlumat yayıb. 19 yaşlı forvardın transfer üçün ABŞ klubuna 16.64 milyon avro ödənilib.
Kolumbiyalı oyunçu “Enviqado”nun yetirməsidir. O, 2022-ci ilin yanvarında 1.7 milyon avroya transfer edildiyi “Çikaqo Fayr”da 28 oyuna çıxıb. O, Kolumbiyanın əsas yığmasında da 3 oyun keçirib.
