Türkiyədə təlim-məşq toplanışında olan “Turan Tovuz” baxışa çağırdığı kamerunlu futbolçunu bəyənməyib. Corner.az xəbər verir ki, Erik Ayukun durumu baş məşqçi Ayxan Abbasovu qane etməyib. Bu səbəbdən futbolçu Qazaxıstanın “Jetisu” klubu ilə sınaq oyununun protokolunda yer almayıb.
Futbola Tailandda başlayan Erik Ayuk daha sonra ABŞ, İsveç, Türkiyə və Misir kimi ölkələrdə çıxış edib. O, 2018-2021-ci illərdə Türkiyədə “Osmanlıspor” - indiki “Ankaraspor”da forma geyinib.
Son klubu Misir təmsilçisi “Parko” olan Erik Ayuk Kamerunun U-20 və U-23 yığmalarında oynayıb.
