İngiltərənin “Bornmut” klubu heyətini yeni futbolçu ilə gücləndirib. Corner.az xəbər verir ki, Premyer Liqa təmsilçisi Fransanın “Loryan” klubunun hücumçusu Danqo Uattaranı transfer edib.
20 yaşlı forvardın transfer üçün Liqa 1 klubuna 27.5 milyon avro ödənilib. Gənc futbolçu ilə 2028-ci ilin 30 iyununa kimi müqavilə imzalanıb.
Burkina Faso millisinin üzvü peşəkar karyerasına ölkəsinin “Majestik” klubunda başlayıb. O, 2020-ci ilin iyul ayından “Loryan”da forma geyinirdi.