İngiltərənin “Vulverhempton” klubu yarımmüdafiəçisi Qonsalo Qedesi icarəyə göndərib. Corner.az xəbər verir ki, 26 yaşlı vinger yetirməsi olduğu “Benfika”ya qayıdıb.
Portuqaliyalı yarımmüdafiəçi bu mövsümün sonuna kimi icarədə oynayacaq. O, 2014-2017-ci illər aralığında “Benfika”nın əsas komandasında meydana çıxdığı 68 oyunda 11 qol vurub.
Qedes 2022-ci ilin avqustunda 32.6 milyon avro qarşılığında “Valensiya”dan “Vulverhempton”a keçmişdi. O, Premyer Liqa təmsilçisində 18 oyun keçirib, 2 qol vurub. Qedes Fransada PSJ-nin də formasını geyinib. O, Portuqaliya yığmasında 32 oyuna çıxıb, 7 qola imza atıb.
