Arsenal'dan ayrılan futbolçu Sumqayıt'la anlaşıb

Rusiyanın “Arsenal” (Tula) klubundan ayrılan Kamran Əliyev “Sumqayıt”la anlaşıb.

Corner.az-ın məlumatına görə, 25 yaşlı futbolçunun Premyer Liqa klubu ilə danışıqları müsbət yekunlaşıb.

Türkiyədəki təlim-məşq toplanışı zamanı “Sumqayıt”ın düşərgəsində olan Azərbaycanın U-20 yığmasının sabiq hücumçusu bu günlərdə rəsmi müqaviləyə imza atacaq. Əliyevin transfer vərəqəsi əlində olduğundan, bu keçid “gənclik şəhəri” təmsilçisinə havayı başa gəlib.

Qeyd edək ki, “Sumqayıt” qış fasiləsində Kamran Əliyevdən əvvəl yaponiyalı yarımmüdafiəçi Musaki Murata və braziliyalı hücumçu Dieqo Kariokanı transfer edib.