İngiltərənin “Arsenal” klubu heyətini yeni futbolçu ilə gücləndirib. Corner.az xəbər verir ki, London təmsilçisi “Brayton”un yarımmüdafiəçisi Leandro Trossardı heyətinə qatıb.
“Arsenal” belçikalı futbolçu ilə imzalanan müqavilənin müddəti və digər detalları barədə məlumat verməyib. Amma İngiltərə mətbuatının yazdığına görə, tərəflər 4.5 illik müqaviləyə imza atıblar. “Topçular”ın bu transfer üçün bonuslarla birlikdə 25 milyon avro ödədiyi bildirilir.
28 yaşlı vinger 2019-cu ildən “Brayton”da çıxış edən yarımmüdafiəçi, bu komandada 121 oyuna çıxıb, 25 qol vurub.
Belçikanın “Genk” klubunun yetirməsi olan futbolçu, “Lommel Yunayted”, “Vesterlo”, “Leuven” kimi klublarda da icarədə oynayıb. Trossard Belçika milli komandasında da 24 oyuna 5 qol vurub.
