Səudiyyə Ərəbistanının "Əl-Nəsr" klubunun hücumçusu Vensan Abubakarın “Beşiktaş”a gözlənilən keçidi rəsmiləşib. Corner.az xəbər verir ki, məlumatı klubun mətbuat xidməti yayıb.
30 yaşlı futbolçu ilə 2.5+1 illik müqavilə imzalanıb.
Xatırladaq ki, kamerunlu oyunçu 2021-ci ilin yayından Səudiyyə Ərəbistanı klubunda çıxış edirdi. O, bu komandanın heyətində 39 oyuna çıxıb, 13 qol vurub və 6 məhsuldar ötürmə edib. Abubakar əvvəllər də "Beşiktaş"da oynayıb - 2016-2017-ci illərdə (icarə əsasında) və 2020/21 mövsümündə.
