“Vulverhempton” heyətini yeni futbolçu ilə gücləndirib. Corner.az xəbər verir ki, "canavarlar" Premyer Liqanın digər təmsilçisi “Vest Hem”dən Kreyq Dousonu transfer edib.
32 yaşlı futbolçu yeni klubu ilə müddəti 2025-ci ilin 30 iyununa qədər olan müqavilə bağlayıb. “Vulverhempton” bu transferə görə “Vest Hem”ə 3.8 milyon avro ödəyib.
Douson 2020-ci ildən formasını geyindiyi “Vest Hem”də 87 oyuna 9 qol vurub. O, əvvəllər “Uotford”, “Bolton”, “Roçdeyl” və “Vest Bromviç” kimi klublarda da oynayıb.
