Yanvarın ilk günlərində “Sumqayıt”la müqaviləsinə xitam verilən Vüqar Bəybalayevin yeni klubu tezliklə müəyyənləşə bilər. Corner.az saytı xəbər verir ki, 30 yaşlı yarımmüdafiəçinin xidmətinin Premyer Liqanın 2 klubu maraq göstərir.
Konkret olaraq “Şamaxı” və “Səbail” Bəybalayevin xidmətində maraqlıdı. Hazırda azad agent statusu daşıyan futbolçu hər iki klubla danışıq aparır. Vüqar 2018-2021-ci illərdə “Səbail”in formasını geyinib.
Qeyd edək ki, Vüqar Bəybalayev cari mövsümün ilk yarısında “Sumqayıt”ın heyətində Premyer Liqada 6 oyun keçirib.
