Türkiyənin “Qaziantep” klubu baş məşqçi Erol Bulutu istefaya göndərib. Corner.az klubun saytına istinadən xəbər verir ki, istefaya səbəb komandanın Super Liqanın cari mövsümündəki uğursuz çıxışı olub.
Belə ki, “Qaziantep” son 9 matçında qələbə qazana bilməyib. Komanda cari mövsümdə keçirdiyi 19 oyuna cəmi 19 xal toplayıb və 19 iştirakçı arasında 13-cüdür.
Bulut 2021-ci ilin mayından “Qaziantep”ə rəhbərlik edirdi. Komanda onun rəhbərliyi altında 65 matça çıxıb, 21 qələbə qazanıb, 19 heç-heçə edib və 25 məğlubiyyətə üzülüb.
