Türk futbolçu ilə müqavilə yenilənəcək

"İnter” futbolçuları Hakan Çalhanoğlu və Matteo Darmianla yaxın vaxtlarda cari müqavilələrinin müddətini uzatmağa hazırlaşır.

Corner.Az İtaliya mətbuatına istinadən xəbər verir ki, italiyalı futbolçu Darmianın sözləşməsi 2024-cü ilin yayına qədər uzadılacaq.

Onun klubla cari müqaviləsinin müddəti altı aydan sonra başa çatacaq. Bu mövsüm o, bütün turnirlər daxil olmaqla “İnter”in heyətində 20 oyuna çıxıb, 1 qol vurub və 2 məhsuldar ötürmə edib.

Türkiyəli futbolçu Hakan Çalhanoğlu ilə isə 2026-cı ilin yayına qədər uzadılacaq.

Türkiyə millisinin üzvünün Milan təmsilçisi ilə hazırkı müqaviləsi 2024-cü ilin yayına qədərdi. O, 2022/23 mövsümündə “İnter”in heyətində 25 oyuna çıxıb, 3 qol vurub və 5 məhsuldar ötürmə edib.