Mourinyo Braziliya millisini çalışdıra bilər

Portuqaliyalı mütəxəssis Joze Mourinyo Braziliya millisini çalışdıra bilər.

Corner.az "A Bola" nəşrinə istinadən xəbər verir ki, Braziliya Futbol Konfederasiyasının nümayəndələri artıq onunla danışıqlara başlayıblar.Mourinyoya komanda Titenin rəhbərliyi altında Amerika Kubokunda müsbət nəticə əldə edə bilməyəcəyi təqdirdə müqavilə təklif olunacaq.

Bildirilir ki, portuqaliyalı mütəxəssisin özü yığmadan çox, klubda işləyəmə üstünlük verir, lakin Braziliyada məşqçini razı salmağa çalışırlar.

Qeyd edək ki, Mourinyo məşqçilik karyerası ərzində "Porto", "Çelsi", "İnter", "Real" və "Mançester Yunayted" kimi komandaları çalışdırıb.