“Sabah” və “Kəpəz” klublarının sabiq hücumçusu Mixeil Erqemlidze karyerasını Şimalı Makedoniyada davam etdirəcək. Corner.az xəbər verir ki, 23 yaşlı forvard “Pandev Akademiyası” klubuna keçib.
Bu barədə sözügedən klubun mətbuat xidməti məlumat yayıb. Qış fasiləsində “Kəpəz”dən ayrılan Erqemlidze Şimalı Makedoniya təmsilçisi ilə 1.5 illik müqavilə imzalayıb.
Gürcüstanlı futbolçu "Sabah" və "Kəpəz"dən başqa, Tiflis “Dinamo”su, “Çixura” və “Adana Dəmirspor”un da uğurları üçün çalışıb.
