“İstanbulspor” heyətini yeni futbolçu ilə gücləndirib. Corner.az xəbər verir ki, Super Liqa təmsilçisi Polşanın “Krakoviya” klubunun yarımmüdafiəçisi Florian Loşayı transfer edib.
Azad agent statusuna malik 26 yaşlı futbolçu ilə müqavilə 2027-ci ilin 30 iyununa kimi nəzərdə tutulub.
Belçikanın “Genk” klubunun yetirməsi olan Kosovo yığmasının üzvü “Maastrixt”, “Roda”, “Politexnika Yaşi” kimi klublarda da forma geyinib. 2020-ci ildən “Krakoviya”da çıxış edən yarımmüdafiəçi bu komandada 80 oyuna 4 qol vurub. O, Kosovo millisində də 17 oyun keçirib.
“İstanbulspor” Bosniya və Herseqovinadan olan yarımmüdafiəçisi Aldin Çayiçlə də yollarını ayırıb. 30 yaşlı futbolçuya azad agent statusu verilib. 2017-ci ildən bu klubda forma geyinən yarımmüdafiəçi 125 oyuna çıxıb, 27 qol vurub. O, “Tuzlaspor”, “Teplitse”, “Dukla” (Praqa) və “Elazığspor” kimi klublarda da oynayıb.
