“Lids” baş məşqçisi Cessi Marşı istefaya göndərib. Corner.az xəbər verir ki, bu barədə İngiltərə klubu rəsmi saytı vasitəsilə məlumat yayıb.
49 yaşlı mütəxəssislə yanaşı, onun köməkçiləri də istefaya göndəriliblər.
ABŞ-dan olan çalışdırıcının istefaya göndərilməsinə cari mövsümdəki uğursuz çıxışı səbəb olub. Belə ki, “Lids” bu mövsüm Premyer Liqada keçirdiyi 20 oyunda cəmi 18 xal toplayıb və 20 iştirakçı arasında 17-ci pillədə qərarlaşıb.
Marş 2022-ci ilin fevral ayından “Lids”ə rəhbərlik edirdi. O, bu komandanı 37 oyuna (11 qələbə, 10 heç-heçə, 16 məğlubiyyət) çıxarıb.
