Almaniyanın “Bayer” klubu müdafiəçisi Pyero İnkapye ilə müqavilənin müddətini uzadıb. Corner.az xəbər verir ki, bu barədə klubun rəsmi saytı məlumat yayıb.
21 yaşlı mərkəz müdafiəçisinin sözləşməsinin müddəti 2027-ci ilin yayınadək artırılıb.
Ekvadorlu oyunçu 2021-ci ilin yayında Argentinanın “Talyeres” klubundan transfer olunduğu Leverkuzen təmsilçisində 56 oyuna 3 qol vurub. O, Ekvador yığmasında da 24 oyuna çıxıb, 1 qola imza atıb.