“Zirə”nin yarımmüdafiəçisi İlkin Muradovun yeni komandası rəsmən müəyyənləşib. Corner.az xəbər verir ki, paytaxt təmsilçisi 26 yaşlı futbolçunun “Səbail”ə keçdiyini açıqlayıb.
U-21 yığmamızın sabiq üzvü autsayderlər zonasında qərarlaşan “Səbail”ə mövsümün sonuna qədər icarəyə verilib. İlkin “Zirə”nin qış fasiləsində yola saldığı 4-cü oyunçu olub. Ona qədər Ramin Əhmədov, Təmkin Xəlilzadə və Nemanya Andelkoviç qəsəbə təmsilçisi ilə vidalaşıb.
Qeyd edək ki, İlkin Muradov 2017-ci ildən “Zirə”nin formasını geyinib.
