İtaliyanın “Salernitana” komandasında baş məşqçi dəyişikliyi qeydə alınıb. Corner.az xəbər verir ki, A Seriyası təmsilçisi Davide Nikolanı istefaya göndərib.
49 yaşlı mütəxəssislə müqaviləyə qarşılıqlı razılıq əsasında xitam verilib. İtaliyalı çalışdırıcını bu postda 52 yaşlı Paulo Souza əvəz edib. Portuqaliyalı mütəxəssislə müqavilə mövsümün sonuna kimi nəzərdə tutulub.
A Seriyasında geridə qalan 22 turda cəmi 21 xal toplamış “Salernitana” turnir cədvəlində 20 iştirakçı arasında 16-cı pillədə qərarlaşıb.
