Neftçi”nin və “İnter”in (“Şamaxı”) sabiq futbolçusu Georgi Navalovski məşqçiliyə başlayıb. Corner.az xəbər verir ki, 36 yaşlı keçmiş oyunçu “Saburtalo” klubunda çalışacaq. Bu barədə Gürcüstan təmsilçisinin saytı məlumat yayıb.
Bildirilir ki, Navalovski baş məşqçi Omar Tetradzenin köməkçisi təyin edilib.
O, ötən ilin dekabrında futbolçu karyerasını başa vurmuşdu.
Navalovski 2009/10 mövsümündə “İnter”in, 2016/17 mövsümündə “Neftçi”nin formasını geyinib.
