Real ona 42 milyon avro qiymət qoydu

“Real” son 2 mövsümü icarə əsasında “Bavariya”da keçirən futbolçusu Xames Rodriqesin transfer qiymətini müəyyənləşdirib.

Corner.az “Corriere dello Sport”a istinadən xəbər verir ki, “kral klubu”, “Napoli”nin transfer hədəfində olan 27 yaşlı futbolçuya 42 milyon avro qiymət qoyub.“Napoli”nin baş məşqçisi Karlo Ançelottinin Münhen təmsilçisi ilə icarə müqaviləsi bitən futbolçunu komandasının heyətində görmək istədiyi və Xamesin Neapol təmsilçisinin bir nömrəli hədəfi olduğu bildirilir.

Qeyd edək ki, kolumbiyalı futbolçu 2017-ci ildən Bavariya'da çıxış edirdi.