Türkiyədəki dəhşətli zəlzələdən sonra Super Liqadakı çıxışını dayandıran “Hatayspor” daha bir legionerini göndərib. Corner.az xəbər verir ki, mərakeşli hücumçu Ayub Əl-Kaabi Qətərin “Əl-Sədd” klubuna keçib.
29 yaşlı forvard yeni klubu ilə 2023-cü ilin 30 iyununa kimi anlaşıb.
Mərakeş yığmasının üzvü 2021-ci ildən formasını geyindiyi “Hatayspor”da 55 oyuna 26 qol vurub. O, daha öncə “Vidad” (Kasablanka) və “Hebey” kimi klublarda da forma geyinib, Mərakeş yığmasında 36 oyuna 20 qol vurub.
