“Zirə” Nemanya Andelkoviçlə bağlı qərarını dəyişib. Corner.az klubun rəsmi saytına istinadən xəbər verir ki, serbiyalı müdafiəçi komandaya qayıdıb.
Qış fasiləsində qarşılıqlı razılıqla müqaviləsinə xitam verilən 26 yaşlı mərkəz müdafiəçisinin mövsümün sonuna qədər olan müqaviləsi qüvvəyə minib. Klub onun yaya qədər heyətdə yer alacağını açıqlayıb.
Qeyd edək ki, Nemanya Andelkoviç 2021-ci ilin yayından “Zirə”də çıxış edir.
