Madrid “Real”ı Karlo Ançelottinin yerinə yeni baş məşqçi təyin etmək üçün axtarışlarını davam etdirir. Corner.az xəbər verir ki, buna italiyalı mütəxəssisin Braziliya millisinə rəhbərlik etməyə yaxın olduğu iddia olunması səbəb göstərilir.
Eyni zamanda “Real”ın cari mövsümdə o qədər inamlı çıxış etməməsi də klub rəhbərliyinin bu addımı atmasının tərəfdarı olduğu bildirilir. Təcrübəli mütəxəssis bu mövsüm bir kubok qazanmasa, 63 yaşlı məşqçi istefaya göndəriləcək.
Hazırda “Real”ın namizədlər siyahısına iki argentinalı – Marselo Qalyardo və Maurisio Poçettino, Madrid təmsilçisinin sabiq baş məşqçisi Zinəddin Zidan, həmçinin “Bayern”in keçmiş çalışdırıcısı Yulian Naqelsmann daxildir.
İspaniya mətbuatının bir digər iddiasına görə,Karlo Ançelotti postundan ayrılmaq istəmir.
Xatırladaq ki, “Real” bu mövsüm 26 turdan sonra İspaniya La Liqasında lider “Barselona”dan 12 xal geri qalır.
