İngiltərənin “Lids” klubu yarımmüdafiəçisi Mateuş Boquşla yollarını ayırıb. Corner.az saytı xəbər verir ki, polşalı futbolçu MLS-də mübarizə aparan ABŞ-ın “Los Anceles” klubuna transfer olunub.
Premyer Liqa təmsilçisi 21 yaşlı oyunçunun transferindən 1 milyon avro qazanıb. Gənc futbolçu ilə müqavilə 2026-cı ilin 31 dekabrına qədər nəzərdə tutulub.
Boquş “Lids”ə 2019-cu ilin qışında Polşanın “Rux” klubundan transfer olunmuşdu. Amma o, bu klubda əsas heyətə düşə bilmədiyi üçün “Loqrones” və “İbitsa” komandalarında icarədə oynayıb.