“Roma”nın baş məşqçisi Joze Mourinyo Braziliya millisinin baş məşqçisi postuna əsas namizədlərdən biridi. Corner.az xəbər verir ki, buna səbəb “Real”ın çalışdırıcısı Karlo Ançelotti hələ də konkret cavabını verməməsi olub.
Braziliya Futbol Konfederasiyasının (CBF) prezidenti Ednaldo Rodriges daha çox italiyalıya üstünlük verdiyi üçün mövsümün həlledici mərhələsində danışıq aparmaq fikrində olmadığını bildirib. Ançelotti isə “Real”da qalmaq niyyətindədi.
Bu səbəbdən də braziliyalılar Mourinyo ilə danışığa başlamağı nəzərdən keçirir. Portuqaliyalı xarakterinə və dil biliyinə görə CBF üçün maraqlıdı. Digər alternativlər isə Xorxe Xesus (“Fənərbaxça”) və Abel Ferreyradı (“Palmeyras”).
