Lukakuya məsləhət: “Mançester Yunayted”dən ayrıl!

Belçika millisinin baş məşqçisi Roberto Martines “Mançester Yunayted”in futbolçusu Romelu Lukaku ilə bağlı açıqlama verib.

Corner.az xarici mətbuata istinadən xəbər verir ki, “İnter”ə keçidi gündəmdə olan futbolçu haqqında danışan mütəxəssis, onun “qırmızı şeytanlar”dan ayrılmasının vacib olduğunu deyib:“ Lukakunun “Mançester Yunayted”dən ayrılmasının lazım olduğu çox açıqdır. Bu ayrılıq iki tərəf üçün də yaxşı olacaq. Doğru klubu tapmaq isə Lukakunun vəzifəsidir”.

Qeyd edək ki, belçikalı futbolçu, ötən mövsümdə iştirak etdiyi 45 oyunda 15 qol, 4 məhsuldar ötürmə edib.