"Lester”in müdafiəçisi Çağlar Söyüncü karyerasını İspaniyada davam etdirəcək. Corner.az saytı xəbər verir ki, Türkiyə millisinin üzvünün "Atletiko"ya keçidi rəsmiləşib.
26 yaşlı oyunçu yayda qoşulacağı Madrid təmsilçisi ilə 4 illik müqaviləyə imza atıb. Söyüncünün “Lester”lə anlaşması yayda başa çatdığından, o, yeni komandasına azad agent kimi keçəcək.
Qeyd edək ki, Çağlar Söyüncü cari mövsüm “Lester”in heyətində Premyer Liqada 5 oyun keçirib.
