İtaliyanın “Udineze” klubu yeni mövsüm üçün ilk transferini reallaşdırıb. Corner.az xəbər verir ki, A Seriyası təmsilçisi ABŞ klubu “Çinçinnati”dən hücumçu Brenneri transfer edib.
Bu barədə MLS təmsilçisinin mətbuat xidməti məlumat yayıb. Məlumatda, 23 yaşlı futbolçunun 10 milyon dollar qarşılığında “Udineze”yə satıldığını amma braziliyalı forvardın iyul ayına qədər “Çinçinnati”də oynamağa davam edəcəyi vurğulanıb. O, “Udineze”yə yay transfer pəncərəsi açılandan sonra qoşulacaq.
Brenner 2021-ci ildən oynadığı ABŞ klubunda 72 oyuna 27 qol vurub. O, daha öncə Braziliyanın “San Paulo” və “Fluminense” klublarının da uğurları üçün çalışıb.
