"Mançester Yunayted”in vingeri Ceydon Sanço sabiq komandası Dortmund “Borussiya”sına qayıtmaq istəyir.
Corner.az xəbər verir ki, 23 yaşlı futbolçu bunun üçün almanlardan təklif gözləyir. İngiltərə millisinin üzvü hətta icarə əsasında Bundesliqa klubunda çıxış etməyə hazırdı.
O, cari mövsüm bütün turnirlərdə 33 oyunda 6 qol vurub, 2 məhsuldar ötürmə ilə yadda qalıb.
Qeyd edək ki, Ceydon Sanço 2017-2021-ci illərdə “Borussiya”da çıxış edib.
