“Yuventus”un iki futbolçusu komandanı tərk edə bilər. Corner.az “Merkato”ya istinadən xəbər verir ki, bu barədə klubun baş məşqçisi Massimiliano Alleqri məlumat verib.
O, Anxel Di Mariya və Adrien Rabiotun heyətdə qalıb-qalmayacağı bəlli olmadığını bildirib: “Çox şey Çempionlar Liqasına vəsiqə qazanacağımızdan asılıdır”.
Qeyd edək ki, “Yuventus” A seriyasında 32 turdan sonra turnir cədvəlində 60 xalla üçüncü pillədə qərarlaşıb. Komanda bu gün öz meydanında “Leççe” ilə qarşılaşacaq.
